12:12 PM

Pagkatapos ng Padyak, Bawang naman...


Medyo nahuhuli na ako sa mga latest news ngayon, I was actually surprised nang malaman kong naipasa na ang House Resolution 1109 na nag-aapruba sa CONSTITUENT ASSEMBLY (CON-ASS) bilang paraan ng pag-aamenda sa kasalukuyang konstitusyon. Ayos talaga itong mga hinayupak nating kongresista ano? Gagawin talaga ang lahat! Kundi ba naman sila mga malalaking CON-ASS...holes! Pwe!

Ayos din ang mga gimik ng mga raliyista ngayon bilang pagprotesta sa con-ass ha! Talagang literally ay ipinapakita ang kanilang mga butas! (yaaak!) Pero kung gimik lang din naman, e wala na yatang tatalo pa sa senador na ito. Who am I talking about? Isyogo na lang natin siya sa neymsung na MR. PU dahil alam mo na, baka biglang mapadpad pa siya dito at imbitahan ako for another useless senate investigation... ayokong sumikat sa ganyang paraan, pwe!

Well, anyway, matapos ang kanyang pagpapanggap na manunubos ng mga palengkero't palengkera, paggamit sa kanyang "fiancee" na animo'y nais kabugin ang sweetness nina Ryan at Juday, at pagpapadyak ng pedicab na as if naman gagawin talaga niya kapag nanalo siyang presidente ng bansang ito, aba eto na naman at gumawa na naman siya ng ingay nang mamigay siya ng mga bawang (galing dun sa palengke niya, bwahaha!) sa mga kapwa niya senador para daw palayasin ang mga con-ass-wang! Ayos diba!

Ngayon nga daw e, mula sa pagiging boy palengke, kikilalanin na siyang Boy Bawang, ayon sa isa pang aswang, este isang presidential spokesman. Nakakagutom!

Sabagay, if you look at it, talaga namang mga ASWANG iyang mga kongresista nating wala na ngang ginagawang mabuti, naglulustay ng pera sa pagpapatayo ng mga hacienda at mansyon o di kaya ay para makapag-cruise around the world o manood ng laban ni Aling Dionisia sa pag-iingles, ay heto pa at nais pang baguhin ang konstitusyon as if naman may utak sila para baguhin yon! Pwe!

Pero siyempre, on the other hand, malamang kaya nagpaka-OA itong si Mr. PU (pati lahat ng mga kasama niya sa senadong ghostbusters) sa pagrereact sa Con-Ass ay dahil nga naman, pag nabago ang konstitusyon, malamang ay hindi matuloy ang 2010 elections at mawawalan siya ng tsansang makaupo sa inidoro, este, sa trono!

Hay naku! Nag-iinit lang ang ulo ko sa mga linsyak na ito! Babayu na ako! Kelangan ko pa ba ng clue kung sino si Mr. PU? Ang slow niyo naman kung ganun... bwahaha!

-Ang nagmamaasim na si Heco!

Comments (0)

Post a Comment